|
Pwy Ydym Ni?
Er mwyn hyrwyddo’r broses o ddatblygu Fforwm i Bobl Hŷn, penodwyd Swyddog Cyfranogiad a Chynhwysiant ar gyfer Pobl Hŷn (50+), Deborah Boyce, yng Nghymdeithas Sefydliadau Gwirfoddol Gwent. Fe’i penodwyd o dan nawdd Strategaeth CBS Caerffili ar gyfer Pobl Hŷn, a’i chyfrifoldeb yw symud y gwaith o ddatblygu Fforwm 50+ annibynnol yng Nghaerffili yn ei flaen, a hyrwyddo a chefnogi cynhwysiant a chyfranogiad pobl hŷn(50+) mewn materion a phenderfyniadau sy’n effeithio arnynt. Mae CBS Caerffili hefyd wedi penodi Hyrwyddwyr Pobl Hŷn.
Ym mis Tachwedd 2004, ffurfiwyd Grŵp Llywio llawn gwirfoddolwyr, a’r grŵp yma, gyda chefnogaeth Deborah Boyce, fu’n gyfrifol am lansio’r Fforwm yn y lle cyntaf. Bydd y Grŵp Llywio yn cyfarfod yn rheolaidd (bob mis fel arfer), ac mae cyfarfodydd Fforwm 50+ Caerffili wedi cael eu cynnal bob deufis wedi cyfarfod lansio’r fforwm ym mis Ebrill 2005. Mae croeso i unrhyw un sy’n 50+ oed ac sy’n byw yn y Fwrdeistref Sirol fod yn aelod o’r Fforwm , ac ar hyn o bryd ceir ymhell dros 100 o aelodau. Mae’r aelodau hyn naill ai’n aelodau unigol neu’n gynrychiolwyr o grwpiau pobl hŷn. Ar hyn o bryd, y gwirfoddolwyr gwreiddiol yw aelodau’r Grŵp Llywio, ond mae cyfansoddiad wedi cael ei ddrafftio, a’r gobaith yw y bydd yn cael ei fabwysiadu yn un o gyfarfodydd nesaf y Fforwm. Yn ôl y cyfansoddiad, bydd hi’n ofynnol i aelodau’r Fforwm ethol Swyddogion i’r Grŵp Llywio neu’r Pwyllgor Rheoli yn rheolaidd.
Dyma Swyddogion ac Aelodau presennol y Grŵp Llywio:
|
